«Time» žurnaly 2025-nji ýylda dünýäde iň täsirli 100 adamyň sanawyny çap etdi diýip, «Daryo.uz» ýazýar.
Neşiriň daşky jildinde aktrisa Demi Mur, rep-aýdymçy Snoop Dogg, tennisçi zenan türgen Serena Uilýams, aýdymçy Ed Şiran we «DeepMind» emeli aňyny döredijileriň biri Demis Hassabis ýerleşdirildi.
Sanawdaky «Liderler» diýen bölüme ABŞ-nyň Prezidenti Donald Tramp, Wise-prezident Jeý Di Wens, «SpaceX» kompaniýasynyň eýesi Ilon Mask we söwda ministri Goward Lýutnik, britan Premýer-ministri Kir Starmer, Germaniýanyň indiki Kansleri Fridrih Mers, Argentinanyň Prezidenti Hawýer Mileý we Siriýanyň wagtlaýyn Prezidenti Ahmed aş-Şara girdiler.
Sanaw alty bölüme bölündi, täsirli artistlere aýdymçy Ed Şiran, aktrisa Skarlett Ýohansson we Kristen Bell, aktýor we prodýuser Adam Skott girdiler.
«Täzelikçiler» diýen bölümde astronom Wendi Fridman, suratkeş Mikaleýn Tomas we aşpez Kwame Onwuaçi girdiler.
Sanawda iň ýaş wekil 22 ýaşly fransiýaly suwda ýüzüji Leon Marşan, iň goja wekil Bangladeşiň wagtlaýyn hökümetiniň başlygy 84 ýaşly Muhammad Ýunus.
