Ýewropa çempionlar ligasynyň 1/8 final tapgyrynyň ähli gatnaşyjylary belli boldy. Çarşenbe güni geçirilen pleý-off tapgyrynyň jogap oýunlarynda Madridiň «Realy», Fransiýanyň «PSŽ» topary, Dortmundyň «Borussiýasy» hem-de Eýndhoweniň «PSW» kluby 1/8 final ýollanmasyna eýe çykdy. Bir gün ozal bolsa Belgiýanyň «Brýugge», Germaniýanyň «Bawariýa», Niderlandlaryň «Feýenord» hem-de Portugaliýanyň «Benfika» toparlary 1/8 finala atlaryny ýazdyrypdylar.
Ýokarda ady agzalan toparlar 1/8 finalda umumy tapgyrda deslapky 8 orny eýelän toparlara garşy meýdança çykarlar. Ýeri gelende ýatlatsak, ÝÇL-iň umumy tapgyrynda «Liwerpul» «Barselona», «Arsenal», «Inter», «Atletiko», «Baýer», «Lill» hem-de «Aston Willa» toparlary 1/8 finalda çykyş etmäge hukuk gazanypdylar.
ÝÇL-iň 1/8 final tapgyryna 21-nji fewralda, anna güni bije çekiler. Tapgyryň deslapky oýunlary 4-nji martda, jogap duşuşyklary bolsa 11-nji martda oýnalar.
