Dürli hili çörek önümleri adaty çöregiň ornuny tutýan iýmit hökmünde dünýä ýüzünde giňden peýdalanylyp, sagdyn iýmit tertibiniň möhüm bölegi bolup durmuşda uly orna eýe boldy.
Çörek önümleriniň adaty çörekden esasy tapawutly ýeri olaryň düzümindedir. Olar süýümiň we belogyň köp mukdary, krahmal hem ýönekeý uglewodlaryň bolsa az mukdary bilen tapawutlanýar. Bu aýratynlyklar agramyna ideg edýänler ýa-da glýukoza derejesine gözegçilik edýänler üçin özüne çekiji saýlawdyr. Emma onda-da, çörek önümleriniň ähli görnüşlerini berhiz üçin niýetlenen diýip hasap edip bolmaz. Olaryň käbiri dagy hatda artykmaç agrama hem getirip biler.
Dürli görnüşleriniň peýdaly taraplary
Çowdary çörek önümleri özüniň süýümleri, B witamini, natriý, fosfor we demir ýaly elementleri köp bolan düzümi bilen tapawutlanýar. Köplenç däne ýa-da çowdary hem-de greçiha ununyň birleşmesinden ýasalýar. Iýmit siňdiriş ulgamyna, madda çalşygyna hem-de glisemiki profile peýdaly täsir edýär.
Bugdaý çörek önümleri, esasanam, bitin däne ýa-da doly owradylan undan taýýarlanan görnüşleri süýümlere baýdyr. Metabolizmi we içegäniň işleýşini gowulandyrmaga kömek edýär. Ekstruziýa usuly bilen öndürilen şeýle çörekler has-da gymmatly hasap edilýär. Bularyň düzümindäki bor myşsalaryň ösmegini we psiho-emosional ýagdaýy goldaýar.
Greçiha çörek önümleri horlanmak üçin iň amatly saýlaw hasaplanýar. Olaryň düzüminde — haýal uglewodlar, kaliý, demir, B we C topar witaminleri hem-de ýod bar. Olar iýmit siňdirişini gowulandyrmaga, işdäňi gözegçilikde saklamaga ýardam edýär we süýji keseli bolanlar üçin howpsuzdyr. Möhüm artykmaçlygy bolsa — düzüminde glýuteniň ýoklugydyr.
Şaly çörek önümleri iýmit önümi bolmak bilen bir hatarda, çöregiň ornuny hem tutup biler. Bedeniň goragyny güýçlendirýän antioksidant selen bilen baýlaşdyrylýar. Işdäňi gözegçilikde saklamaga, metabolizmi, deriniň we saçyň ýagdaýyny sazlamaga, gaharjaňlygy ýeňmäge ýardam edýär. Bu seliakiýasy we glýuten çydamsyzlygy bolan adamlar üçin amatlydyr.
Jöwen çörek önümleri krahmala we süýüme baý bolup, çalt doýurýar. Olarda A, B, E, PP witaminleri, foliý turşusy we minerallaryň köp görnüşi bar. Türgenleriň iýmitlenmegi we horlanmak programmalarynda iýmek maslahat berilýär.
Süle çörek önümleri bedeniň arassalanmagyna kömek edýär we deri bilen bagly müşgillikler, süýji keseli we bagyr keselleri üçin aýratyn peýdalydyr. Olar örän ýokumly bolup, adamyň immun ulgamyny güýçlendirýär we iýmit siňdirişe hem nerw ulgamyna peýdaly täsir edýär.
Zygyr çörek önümleri witaminlere, minerallara we polidoýgun ýag kislotalaryna baý bolup, olary türgenler we horlanýanlar üçin gymmatly önüm edýär. Olarda boýuň ösüşi we metabolizm üçin möhüm bolan sink we marganes bar.
Çörek önümleri horlanmaga kömek edermi?
Hünärmenler horlanmak üçin un we hamyrmaýa esasly çörekleri maslahat berenoklar. Şeýle önümlerde trans ýaglar, konserwantlar, tagam güýçlendirijiler we beýleki islenilmeýän goşundylar bolup biler.
Agramyňy azaltmak üçin iň amatly saýlaw — ekstruziýa usuly bilen öndürilen däne çöregidir.
Şeýle-de bolsa, iň peýdaly çörekleriň hem artykmaç agram bilen göreşde artykmaçlyk etmejekdigini bilmelidir. Muňa toplumlaýyn çemeleşmek zerurdyr: kadaly iýmitlenmek, bedenterbiýe işjeňligi, dartgynlylygy azaltmak we yzygiderli gezelenç etmek.
Peýdalanylan çeşme: https://www.cge21.ru/info/682
