Ýewropanyň çempionlar ligasynyň pleý-off tapgyrynyň deslapky oýnunda «Milan» myhmançylykda «Feýenorddan» asgyn geldi. Niderlandlaryň Rotterdam şäherinde geçirilen oýun 1:0 hasabynda ýer eýeleriniň peýdasyna tamamlandy. Duşuşykdaky ýeke-täk gol 3-nji minutda Igor Paýşan tarapyndan uruldy.
Günüň beýleki oýunlarynda «Brýugge» öz öýünde «Atalatany» 2:1 hasabynda ýeňdi, «Bawariýa» myhmançylykda «Seltik» toparyny 2:1, «Benfika» myhmançylykda «Monakony» 1:0 hasabynda ýeňlişe sezewar etdi.
ÝÇL-iň pleý-off tapgyrynyň jogap duşuşyklary 18-19-njy fewral günleri oýnalar. Jogap oýunlary 18-nji fewralda Aşgabat wagty bilen sagat 22:45-de başlanjak «Milan» — «Feýenord» gapma-garşylygy arkaly badalga alar.
