Türkmenistanyň paýtagtynda şu gün hil üpjünçiligi we halkara standartlara laýyklyk meselelerine bagyşlanan halkara maslahat açyldy. Çärä Türkmenistanyň hökümetiniň ýokary derejeli wekilleri hem-de halkara bilermenler gatnaşýarlar.
Maslahatyň umumy mejlisini Türkmenistanyň Ministrler Kabinetiniň Başlygynyň orunbasary Nökerguly Atagulýew açdy. Esasy çykyş edenleriň arasynda The Stirling Foundation (ABŞ) prezidenti Maýlz Hansen, Ýewropanyň täzeleniş we ösüş bankynyň Türkmenistandaky wekilhanasynyň ýolbaşçysy Erik Liwni we ABŞ-nyň Milli akkreditasiýa komitetinden Salih Aýwaz boldy.
Maslahatyň birinji gününiň meýilnamasy iki panel maslahatyny öz içine alar. Birinjisinde söwdanyň we maýa goýum işleriniň ösdürilmegi üçin halkara standartlarynyň ulanylyşy meseleleri ara alnyp maslahatlaşylar. Çykyş etjekleriň arasynda Türkmenistanyň maliýe we ykdysadyýet ministriniň orunbasary Perhat Ýagşyýew we Ýewropa Bileleşiginiň Türkmenistandaky ilçisi Beata Peksa bolar.
Ikinji maslahat oba hojalyk pudagyndaky pudaklaýyn standartlar boýunça meýilleşdirilýär. Bu mesele boýunça Türkmenistanyň oba hojalyk ministri Çaryýar Çetiýew çykyş eder. Şeýle hem GlobalG.A.P. standartlary we organiki önümleriň sertifikatlaşdyrmasy meseleleri boýunça Latwiýanyň, Gyrgyzystanyň, Özbegistanyň we Müsüriň bilermenleri çykyş ederler.
