Täjigistanda ýurdy dolandyryjy Halk demokratik partiýasy 2-nji martda geçen Respublikanyň Parlamentiniň aşaky palatasyna saýlawlarda sesleriň 51,9 göterimini gazanyp, üstün çykdy.
Saýlawlaryň deslapky jemleri barada Täjigistan Respublikasynyň Merkezi saýlaw we sala salşyklar boýunça toparynyň başlygy Bahtiýor Hudoýerzoda habar berdi.
Netijede, Halk demokratik partiýasy 12 deputat mandatynyň eýesi boldy. Täjigistanyň Agrar partiýasy sesleriň 21 göterimini alyp, özüne 5 deputat ornuny üpjün etdi. Ykdysady özgertmeler partiýasy 12,7 göterim ses, ýagny 3 deputat ornuny gazandy. Täjistanyň Sosialistik we Demokratik partiýalary degişlilikde 1 deputat ornuny gazandylar. Saýlawlarda 4 million 712 müň 967 saýlawçy ses berdi (85,3 göterim).
