«Türkmenistan» awiakompaniýasy Aşgabatdan Moskwa amala aşyrylýan uçar gatnawlaryny togtatmagyny 31-nji marta çenli uzaltdy – diýip awiakompaniýanyň Russiýadaky baş wekiliniň metbugat gullugy habar berdi.
«Türkmenistan» awiakompaniýasy Aşgabat – Moskwa – Aşgabat ugry boýunça yzygiderli uçar gatnawlarynyň 31-nji marta çenli ýatyrylandygyny habar berýär. Biletleriň mejbury yzyna gaýtarylmagyny resmileşdirmek üçin uçar biletiniň satyn alnan ýerine ýüz tutmagyňyzy haýyş edýäris» — diýlip, habarda bellenýär.
Häzirki wagtda Moskwa bilen Aşgabadyň arasynda Russiýanyň S7 awiakompaniýasynyň göni uçar gatnawlary dowam edýär.
