Londondan Nýu-Ýorka ugur alan howa gämisiniň uçarmany uçuşdan sekiz sagat soň uçary yzyna dolady. Bu barada «Business Insider» neşirine salgylanýan «rg.ru» ýazýar.
Habara görä, «Airbus A350» ýolagçylary Londonyň Hitrou howa menzilinden Nýu-Ýorkuň Jon Kennedi adyndaky howa menziline eltmelidi. Kanadanyň kenar ýakalaryndan 530 kilometrlikde baş uçarman uçarda heläkçilik ýagdaýyň dorändigi barada habar berdi. Netijede, uçar Atlantikanyň üstünde yzyna öwrüldi we Mançesterde gondy. Hiç kim ejir çekmedi.
Kompaniýa Britaniýa dolanmak pikiriniň howa gämisiniň baş serkerdesi tarapyndan tehniki näsazlyk sebäpli kabul edilendigini habar berdi.
