Türkmenistanyň Eýran Yslam Respublikasyndaky Adatdan daşary we Doly ygtyýarly ilçisi Ylýas Gaýypow Tähranda geçirilen bag ekmek dabarasyna gatnaşdy. Bu barada Türkmenistanyň Eýrandaky ilçihanasynyň resmi saýtynda habar berildi.
Resmi dabara Eýran Yslam Respublikasynyň daşky gurşaw boýunça wise-prezidenti we ýurduň Daşky gurşawy goramak guramasynyň başlygy hanym Şena Ansari tarapyndan açyldy. Bag ekmek dabarasy Tähranyň Pardisan tebigy seýilgähiniň günorta tarapynda geçirilip, oňa daşary ýurtlaryň wekilleri, ilçiler we diplomatlar gatnaşdylar.
Habarda bellenilişi ýaly, bag ekmek dabarasynda daşary ýurtly diplomatlar parahatçylygyň we dostlugyň nyşany hökmünde zeýtun nahallaryny oturtdylar.
