17-nji fewralda Türkmenistanyň esasy habarlarynyň daýjesti

Gurbanguly Berdimuhamedow guramaçylyk döwlet toparynyň mejlisini geçirdi, Osakada Türkmenistanyň Prezidentiniň EKSPO-2025-e sapary ara alnyp maslahatlaşyldy, futzal boýunça Türkmenistanyň zenanlar ýygyndysynyň derwezebany Merkezi Aziýanyň iň gowy derwezebany diýlip ykrar edildi we beýleki habarlar

Türkmenistanda

1. Guramaçylyk döwlet toparynyň iş maslahatynda Türkmenistanyň Halk Maslahatynyň Başlygy Gurbanguly Berdimuhamedow Türkmenistanyň Bitaraplygynyň 30 ýyllygy mynasybetli geçiriljek dabaralary dünýäniň media giňişliginde giňden açyp görkezmek barada tabşyryklary berdi. Bellenilişi ýaly, halkara çärelerde ýurduň ýeten derejesi, parahatçylyk söýüjilikli syýasaty, durmuş-ykdysady ösüşde gazananlary öz beýanyny tapmalydyr.

https://turkmenportal.com/blog/87981/gurbanguly-berdymuhamedov-poruchil-obespechit-osveshchenie-30letiya-neitraliteta-v-mirovyh-smi

2. Iş maslahatynyň dowamynda Bitaraplyk binasynyň durkuny täzelemek we şunuň bilen bagly ykdysady meseleler ara alnyp maslahatlaşyldy. Binanyň ýanaşyk ýerlerini abadanlaşdyrmak, şol sanda ýaşyl zolaklary döretmek we yşyklandyryş ulgamyny döwrebaplaşdyrmak işlerine aýratyn üns çekildi.

https://turkmenportal.com/blog/87975/monument-neitraliteta-turkmenistana-planiruyut-rekonstruirovat

3. Gurbanguly Berdimuhamedow Aşgabadyň günorta künjegindäki Bitaraplyk binasynyň ýanyna gelip, ýurduň bitaraplyk derejesiniň ykrar edilmeginde Türkmenistanyň ilkinji Prezidenti Beýik Saparmyrat Türkmenbaşynyň taryhy ornuny belledi. «Taryha ser salsak, ýurduň hemişelik Bitaraplygynyň düýbüni Türkmenistanyň ilkinji Prezidenti Beýik Saparmyrat Türkmenbaşy tutdy. Bu taryhy pursat ähli türkmenistanlylaryň durmuşynda ýatdan çykmajak waka boldy» diýip, türkmen halkynyň Milli Lideri belledi.

https://turkmenportal.com/blog/87984/gurbanguly-berdymuhamedov-otmetil-vklad-turkmenbashi-v-stanovlenie-neitraliteta-turkmenistana

4. Türkmenistanyň Prezidenti Serdar Berdimuhamedowyň 2025-nji ýylyň aprel aýynda «EKSPO-2025» Bütindünýä sergisine gatnaşmak üçin Ýaponiýa sapary meýilleşdirilýär. Türkmenistanyň Ýaponiýadaky ilçisi bilen serginiň ýolbaşçylarynyň arasynda geçirilen duşuşyklarda bu möhüm waka taýýarlyk meselerine aýratyn üns çekildi. Şeýle hem duşuşyklarda Bütindünýä sergisiniň çäklerinde 14-nji aprelde geçiriljek Türkmenistanyň Milli gününiň çäreler barada giňişleýin pikir alşyldy.

https://turkmenportal.com/blog/87973/v-osake-obsudili-vizit-prezidenta-turkmenistana-na-ekspo2025-v-aprele

5. Aşgabatda ÝUNESKO-nyň işleri barada Türkmenistanyň milli toparynyň mejlisi geçirildi, onda 2024-nji ýylyň dowamynda ýerine ýetirilen bilelikdäki işleriň netijeleri jemlenildi, şeýle hem 2025-nji ýyl üçin hyzmatdaşlygyň ileri tutulýan ugurlary kesgitlenildi. Duşuşyklarda ylym, bilim, medeniýet we ekologiýa ulgamlarynda netijeli hyzmatdaşlygyň geljegi uly ugurlaryna garaldy. Gepleşikleriň netijeleri boýunça hyzmatdaşlygyň mundan beýläkki ugurlaryny kesgitleýän möhüm resminamalar kabul edildi.

https://turkmenportal.com/blog/87977/v-turkmenistane-podveli-itogi-sotrudnichestva-s-yunesko-za-2024-god

6. Aşgabatdaky Adalat köşgünde Türkmenistanyň kazylarynyň VII maslahaty geçirildi. Onda kazyýet ulgamyny sanly ulgamyň mümkinçiliklerini ulanmak arkaly halkara tejribä laýyklykda guramagyň ugurlary barada giňişleýin pikir alşyldy. Maslahata Ýokary kazyýetiň, Arbitraž kazyýetiniň wekilleri, welaýat, etrap we şäher kazyýetleriniň kazylary gatnaşdylar. Çykyşlarda bellenilişi ýaly, kazylaryň wezipe ygtyýarlyklarynyň netijeli ýerine ýetirilmegi köp babatda olaryň hünär derejesine baglydyr. Şunuň bilen baglylykda, bu işe häzirki zaman usulyýetlerini ornaşdyrmak we ýörite okuwlary guramak meýilleşdirilýär.

https://turkmenportal.com/blog/87978/v-ashhabade-obsudili-cifrovizaciyu-sudebnoi-sistemy-turkmenistana

Dünýäde

1. BRIKS-iň metbugat gullugy guramanyň ýyllyk sammitiniň Braziliýanyň Rio-de-Žaneýro şäherinde geçiriljekdigini habar berdi. Gurama agza ýurtlaryň ýolbaşçylarynyň duşuşygy 2025-nji ýylyň 6-7-nji iýuly aralygynda meýilleşdirilýär. 2025-nji ýylyň başyndan bileleşigiň başlyklygy Russiýadan Braziliýa geçdi.

https://turkmenportal.com/blog/87988/sammit-briks-sostoitsya-v-riodezhaneiro-v-iyule-2025-goda

2. Duşenbe şäherinde «Dostluk bagy» atly täze ekologiýa taslamasy peýda bolar. Ol Özbegistan bilen Täjigistanyň bilelikdäki tagallalary bilen dörediler. Täjik tarapy bag üçin ýer bölüp berer, özbek tarapy bolsa ony ýerli howa şertlerine uýgunlaşdyrylan nahallar üpjün eder we olary üstünlikli ösdürip ýetişdirmek üçin zerur agrotehniki goldawy berer. Iki ýurduň wekilleri dörediljek bagyň çägini gözden geçirdiler we taslamany iş ýüzünde durmuşa geçirmäge girişdiler.

https://turkmenportal.com/blog/87986/uzbekistan-i-tadzhikistan-sozdadut-sovmestnyi-sad-druzhby-v-dushanbe

Sport täzelikleri

1. Futzal boýunça Türkmenistanyň zenanlar ýygyndysynyň derwezebany Malika Eminowa Merkezi Aziýa Futbol Assosiasiýasynyň 2025-nji ýyldaky çempionatynyň iň gowy derwezebany diýlip ykrar edildi. Ol Duşenbede geçirilen baýrak gowşurylyş dabarasynda aýratyn baýrak bilen sylaglandy. Duşuşyklara eminlik etmäge türkmen hünärmenleriniň, ýagny FIFA-nyň eminleri Timur Ramazanowyň we Merjen Bagşyýewanyň, şeýle hem AFK-nyň halkara tälimçisi/inspektory Wadim Baratowyň hem gatnaşandygyny bellemek gerek. Olar hem ýörite medallar bilen sylaglandylar. Eýranyň topary bu ýaryşda yzly-yzyna dördünji gezek ýeňiji boldy.

https://turkmenportal.com/blog/87999/vratar-zhenskoi-sbornoi-turkmenistana-po-futzalu-priznana-luchshim-golkiperom-cafa2025

2. «Arkadag» topary Türkmenistanyň Futbol federasiýasynyň Kubogynyň 2-nji tapgyrynda «Ahaly» 3:2 hasabynda ýeňlişe sezewar etdi. Duşuşyk ýekşenbe güni Babarap geňeşligindäki sport toplumynda geçirildi. Ýeňijileriň düzüminde Annagulyýew, Durdyýew we Hojaýew tapawutlandy. «Ahalyň» gollaryna bolsa Meredow hem-de Gowşudow awtorlyk etdi. Tapgyryň beýleki oýunlary, ýagny «Aşgabat» – «Şagadam», «Nebitçi» – «Merw» duşuşyklary deňme-deň tamamlandy.

https://turkmenportal.com/blog/87992/arkadag-obygral-ahal-v-matche-kubka-federacii-futbola-turkmenistana