Aşgabatda Russiýanyň kompozitorlaryna bagyşlanan konsert geçiriler

13-nji noýabrda Maýa Kulyýewa adyndaky Türkmen milli konserwatoriýasynyň Uly zalynda Russiýanyň kompozitorlarynyň belli senelerine — Mihail Glinkanyň 220 ýyllygyna, Modest Musorgskiýniň 185 ýyllygyna we Nikolaý Rimskiý-Korsakowyň 180 ýyllygyna bagyşlanan gala-konsert geçiriler.

Saz agşamynyň maksatnamasynda bu kompozitorlaryň belli eserleri ýaňlanar: «Arynyň uçuşy» (N.Rimskiý-Korsakow), «Patetiki trio» (M.Glinka), «Ajaýyp pursady ýatlaýaryn men» (M.Glinkanyň romansy), «Ýöne ýerden meni synama», «Şährizada» sýuitasy we beýlekiler.

Gatnaşmak isleýänleriň hemmesi üçin giriş açykdyr.