«Owadan Ülke» kärhanasy 5 — 7-nji noýabr aralygynda Özbegistanda geçirilen Azyk senagatynyň we restoran industriýasynyň «FoodWeek Uzbekistan 2024» atly 27-nji halkara sergisinde Türkmenistana wekilçilik etdi.
Bu ýerde onlarça kompaniýa öz täze önümlerini we gazananlaryny hödürledi, şolaryň hatarynda «Owadan Ülke» kärhanasynyň diwarlygy myhmanlaryň we guramaçylaryň ünsüni aýratyn özüne çekdi. Serginiň ahyrynda guramaçylar degişli pudagyň ösmegine saldamly goşant goşandygy üçin «Owadan Ülkäni» Hormat Diplomy bilen sylagladylar.
«Kompaniýamyzyň şeýle ýokary baýraga eýe bolandygyna juda begenýäris. Bu biziň tagallalarymyzyň ykrar edilmegi bolup, geljekde has-da uly üstünlikleri gazanmaga itergi berýär. Biziň diwalygymyza baryp gören we önümlerimize ýokary baha beren her bir adama minnetdarlyk bildirýäris» diýip, «Owadan Ülke» kärhanasynyň wekili buýsanç bilen gürrüň berýär.
Sergä gelenler kompaniýanyň meşhur haryt nyşanly önümleriniň: «Nur», «Mylaýym», «Hazyna» hem-de «Esmo» ýaly önümleriniň tanyşdyrylyşyna uly gyzyklanma bilen tomaşa etdiler.
«Nur» haryt nyşanly önümler — ajaýyp tagam sazlaşygy bolan kitirdäp duran marinadlanan hyýar we özüniň tebigy tagamy bilen myhmanlaryň ýokary bahasyna eýe bolan maýonez dadyp görenlerde has-da gowy täsirleri galdyrdy. Dadyp görmek hödürlemesi «Owadan Ülke» önümleriniň ýokary önümçilik ülňüsine kybap gelýändigini we ýokary hilini aýdyň açyp görkezdi.
«FoodWeek Özbegistan 2024» sergisinde gazanylan üstünlik kompaniýanyň halkara bazaryndaky hyzmatdaşlyklarynyň gerimini giňeltmekde nobatdaky ädim boldy. «Owadan Ülke» täze hyzmatdaşlary hil we innowasiýa ýörelgelerini paýlaşmak babatda hyzmatdaşlyk etmäge çagyrýar.
«Owadan Ülke» bilen habarlaşyň:
• telefon belgisi: (+993 63) 29 82 28;
• web saýty: owadanulke.com;
• elektron poçta salgysy: info@owadanulke.com;
• sosial media ulgamyndaky sahypasy;
• TikTok.
Şeýle-de okaň:
