«Toyota-nyň» Türkmenistandaky resmi dileri «Beýik Ýüpek Ýoly» kompaniýasy «Toyota» awtoulaglarynyň eýeleri üçin giň gerimli aksiýanyň başlandygyny habar berdi. 15-nji noýabrdan başlap, ýapon brendiniň eýeleri kompaniýanyň hyzmat ediş merkezinde mugt diagnostika geçmek we awtoulaglaryny ýuwdurmak boýunça ajaýyp mümkinçilik aldylar.
2025-nji ýylyň 31-nji ýanwaryna çenli dowam etjek aksiýa müşderilere kepillendirilen hyzmat ediş merkezinde awtoulagyň tehniki ýagdaýyny goşmaça çykdajysyz barlamaga mümkinçilik berýär. Ussat hünärmenler düýpli diagnoz barlagyny geçirerler we awtoulagyň ýokary derejede ýuwulmagyny üpjün ederler.
Aksiýa gatnaşmagyň möhüm şerti iş prosesini aňsat tertipleşdirmäge we nobatlardan gaça durmaga mümkinçilik berýän deslapky hasaba alyşdyr. Teklip diňe «Toyota» awtoulaglarynyň eýeleri üçin hereket edýär.
«Bu başlangyç biziň müşderiler baradaky aladamyzy we Ýaponiýanyň «Toyota» brendiniň Türkmenistandaky eýelerine iň ýokary rahatlygy üpjün etmek maksadymyzy görkezýär» diýip, «Beýik Ýüpek Ýoly» kompaniýasynda bellediler.
«Diagnostika we awtoulagy ýuwmak – mugt» aksiýasyna şu telefon belgilerine jaň edip ýazylyp bilersiňiz: (+993 63) 84 92 38, (+993 12) 76 10 42. Sosial ulgamdaky sahypasy.
Hyzmat ediş merkezi şu salgyda ýerleşýär: Hoja Ahmet Ýasawy köç., 39.
