Daşoguz welaýat häkimligi gurluşyk işlerini ýerine ýetirmek üçin potratçylary seçip-saýlap almak boýunça bäsleşik yglan edýär

Daşoguz welaýat häkimligi Türkmenistanyň kazyýet ulgamyny ösdürmegiň 2017 — 2021-nji we 2022 — 2028-nji ýyllar üçin Döwlet maksatnamalaryna laýyklykda, welaýatyň Akdepe, Görogly we Saparmyrat Türkmenbaşy etraplarynyň çäklerinde gurulmaly etrap kazyýetleriniň täze edara binalarynyň hem-de Daşoguz şäherinde Daşoguz welaýat kazyýetiniň maddy gymmatlyklarynyň saklanýan binasynyň gurluşyk işlerini ýerine ýetirmek üçin potratçylary seçip-saýlap almak boýunça bäsleşik yglan edýär.

Bäsleşige gatnaşmak üçin Türkmenistanda resmi tertipde bellige alnan ýerli edara-kärhanalar çagyrylýar.

Bäsleşige gatnaşmak isleýänlerden edilýän talaplar:

— gatnaşyjynyň doly adyny, hukuk derejesini, Türkmenistanda resmi tertipde bellige alnandygy baradaky maglumatlary görkezmek bilen, bäsleşige gatnaşmak üçin ýazmaça arza bermek;

— edara-kärhananyň maddy-tehniki binýady barada maglumat;

— hususy kärhanalara Türkmenistanyň Senagatçylar we telekeçiler birleşmesinden kepilnama;

— häzirki wagta çenli ýerine ýetiren gurluşyk-abatlaýyş işleri barada maglumat.

Bäsleşik teklipleri 2023-nji ýylyň 13-nji noýabryna, her gün sagat 9:00-dan 18:30-a çenli kabul edilýär.

Salgysy: Daşoguz şäheriniň S.Türkmenbaşy şaýolunyň 10/1-nji jaýy.

Habarlaşmak üçin telefon belgisi: (993 322) 9-03-02, faks belgisi: (993 322) 9-03-14.